ایف آئی اے امیگریشن کراچی نے کارروائی کرتے ہوئے جعلی دستاویزات پر سفر کرنے والا مسافر گرفتار کرلیا۔
ایف آئی اے کا کہنا ہے کہ مسافر فلائٹ نمبر IA- 431 کے ذریعے پاکستان پہنچا ہے، مسافر کی شناخت ثمر اقبال کے نام سے ہوئی اور سرگودھا کا رہائشی ہے امیگریشن کلیریئنس کے دوران مسافر کی دستاویزات کو مشکوک پایا گیا۔
ایف آئی اے کے مطابق مسافر کے پاسپورٹ پر عراقی ویزہ مشکوک پایا گیا مسافر کے عراقی ویزہ میں ضروری سیکیورٹی خصوصیات موجود نہیں تھیں۔
- Advertisement -
ایف آئی اے نے کہا کہ ابتدائی تفتیش میں مسافر نے بتایا کہ اس نے مذکورہ ویزہ نجف میں شیخ عباس نامی ایجنٹ سے حاصل کیا مسافر نے مذکورہ ایجنٹ کو اس مقصد کے لیے 550 امریکی ڈالر ادا کیے۔
ایف آئی اے کے مطابق مسافر کو مزید قانونی کاروائی کے لیے انسدادِ انسانی سمگلنگ سرکل کراچی منتقل کر دیا گیا ہے مزید تفتیش جاری ہے۔
