کامیڈی کنگ کپل شرما ایک بار پھر اپنی شاندار ٹیم کے ساتھ ناظرین کو ہنسانے کے لیے واپس آگئی ہے لیکن اس بار اس شو جس کا نام دی گریٹ انڈین کپل شرما شو رکھا گیا ہے اس کے ناظرین کی تعداد میں مسلسل کمی دیکھی جارہی ہے۔
سونی ٹی وی پر طویل عرصے تک کام کرنے کے بعد کپل شرما اور ان کی ٹیم رواں برس کے شروع میں نیٹ فلکس چلی گئی تھی، اس پلیٹ فارم پر بھی شائقین نے شو کو بہت پیار دیا لیکن اب اس کے ناظرین کی تعداد میں مسلسل کمی آگئی ہے۔
شو کے پہلے سیزن کے پریمیئر میں اداکار رنبیر کپور، نیتو کپور اور ردھیما کپور ساہنی شامل تھے، دوسرے سیزن کے پریمیئر میں عالیہ بھٹ، کرن جوہر، ویدانگ رینا، اور وسن بالا کے ساتھ مہمانوں کے طور پر نظر آئے۔
View this post on Instagram
’دی گریٹ انڈین کپل شو‘ کی پہلی قسط میں رنبیر کپور، دوسری قسط میں روہت شرما اور شریاس آئر، تیسری قسط میں فلم امر سنگھ چمکیلا کی ٹیم اور چوتھی قسط میں وکی کوشل اور سنی کوشل نے بطور مہمان شرکت کی تھی۔
ابتدائی 4 ہفتوں کے دوران اس شو نے 8 ملین ویوز حاصل کئے تھے جبکہ دوسرے ہفتے میں سب سے زیادہ کمائی کی تھی۔
View this post on Instagram
لیکن بھارتی میڈیا کا کہنا ہے کہ اب سیزن 2 میں اداکارہ عالیہ بھٹ اور کرن جوہر کا ایپی سوڈ اتنا اثر انگیز نہیں رہا اس کے برعکس رنبیر کپور کے ایپی سوڈ نے کئی ملین ویوز حاصل کیے تھے۔
واضح رہے کہ دی گریٹ انڈین کپل شو میں کرشنا ابھیشیک، کیکو شاردا، ارچنا پورن سنگھ اور راجیو ٹھاکر شامل ہیں، پہلے سیزن میں بہت سے نامور شوبز اور اسپورٹس اسٹار شو میں آئے تھے، اس سیزن کے دوسرے شو میں ٹیم فلم ’دیورا ‘ کے جونیئر این ٹی آر، سیف علی خان، اور جھانوی کپور شامل ہوں گے۔
