ویسٹ انڈیز کے مایہ ناز آل راؤنڈر ڈیون براوو کو کرکٹ کے تمام فارمیٹ سے ریٹائرمنٹ کے چند گھنٹے بعد ہی ایک بڑی جاب مل گئی ہے۔
کرکٹ کسی بھی ملک کے کرکٹرز کی کمائی کا ذریعہ ہوتا ہے۔ ویسٹ انڈیز کے مایہ ناز آل راؤنڈر ڈیون براوو جو کئی سال قبل انٹرنیشنل کرکٹ چھوڑ چکے تھے اور اب صرف لیگ کرکٹ کھیل رہے تھے تاہم گزشتہ دنوں انہوں نے ہر طرز کی کرکٹ سے ریٹائرمنٹ کا اعلان کر دیا۔
تاہم ان کی خوش قسمتی کہ وہ ریٹائرمنٹ کے بعد بیروزگاری کی فکر سے بچ گئے کیونکہ ریٹائرمنٹ کے اعلان کے چند گھنٹے بعد ہی انڈین پریمیئر لیگ کی ایک فرنچائز نے انہیں مینٹور کی جاب آفر کی جو انہوں نے قبول کر لی اور اس کو جوائن بھی کر لیا۔
اس موقع پر براوو کا کہنا ہے کہ بطور مینٹور ٹیم کیساتھ کام کرنے کیلئے تیار ہوں، گزشتہ 10 برسوں میں ٹرنباگو نائٹ رائیڈرز کا حصہ رہا اور آئی پی ایل میں کولکتہ نائٹ رائیڈرز کی نمائندگی کی، فرنچائز مالکان کا شکریہ ادا کرنا چاہتا ہوں جنہوں نے عزت دی۔
View this post on Instagram
فرنچائز کا کہنا ہے کہ ڈوین براوو بطور مینٹور نہ صرف کولکتہ نائٹ رائیڈرز بلکہ کیریبین پریمیئر لیگ، متحدہ عرب امارات اور میجر لیگ میں بھی فرنچائز کی نمائندگی کریں گے۔
دریں اثنا ڈیون براوو نے اپنی ریٹائرمنٹ کا اعلان انسٹا گرام پر ایک دکھی پیغام کے ذریعے کیا جس میں انہوں نے لکھا کہ میرا جسم مزید درد، ٹوٹ پھوٹ اور تناؤ برداشت نہیں کر سکتا اس لیے بھاری دل کے ساتھ باضابطہ طور پر ہر طرح کی کرکٹ سے ریٹائرمنٹ کا اعلان ک ررہا ہوں۔
براوو نے ویسٹ انڈیز کے ٹی 20 ٹورنامنٹ کیریبیئن پریمیئر لیگ (سی پی ایل) کے جاری ایڈیشن سے قبل اعلان کیا تھا کہ یہ ان کا آخری ٹورنامنٹ ہوگا لیکن وہ گزشتہ منگل کو سی پی ایل میچ کے دوران کمر کی انجری میں مبتلا ہوگئے تھے۔
واضح رہے کہ ڈوین براوو نے 2023 میں انڈین پریمیئر لیگ جبکہ 2021 میں انٹرنیشنل کرکٹ سے ریٹائرمنٹ لی تھی۔
انہوں نے اپنے ایک روزہ بین الاقوامی کیریئر میں 164 میچز کھیل کر 2968 رنز بنائے کے ساتھ ساتھ 199 وکٹ بھی حاصل کر رکھی ہیں، اس کے علاوہ ٹی ٹونٹی میچز میں بھی براوو نے 91 میچز کھیل کر 1255 رنز بنائے اور 77 وکٹیں حاصل کیں۔
