ساہیوال : ٹیچنگ اسپتال کے ڈاکٹروں کی دوران ڈیوٹی لوڈو کھیلنے کی ویڈیووائرل ہوگئی، شہری ڈاکٹروں سے مریض کو چیک کرانے کیلئے منت سماجت کرتے رہے لیکن ڈاکٹرز کھیل میں مصروف رہے۔
تفصیلات کے مطابق ساہیوال میں ٹیچنگ اسپتال کے ڈاکٹروں کی دوران ڈیوٹی لوڈو کھیلنے کی ویڈیووائرل ہوگئی ، ویڈیو میں ایک میل اور دو فی میل ڈاکٹرز کو لڈو کھیلتے دیکھا جاسکتا ہے۔
شہری ڈاکٹروں سے مریض کو چیک کرانے کیلئے منت سماجت کرتے رہے لیکن ڈاکٹرز شہری کی بات سننے کے بجائے اس کا مذاق اڑا کر لوڈو کھیلنے میں مصروف رہے۔
زیادہ اصرار پر ڈاکٹرز نے سیکیورٹی گارڈز کو بلا کر شہری کو دھکے دیکر کمرے سے نکلوادیا۔
جس کے بعد مریض کے تیمارداروں اورسیکورٹی عملےمیں ہنگامہ آرائی بھی ہوئی ، مریض کے تیمار داروں نے وزیراعلیٰ پنجاب مریم نواز اور وزیر صحت سے واقعے کا نوٹس لینے کا مطالبہ کر دیا۔
ٹیچنگ اسپتال کے ایم ایس ڈاکٹر نثار نے کہا کہ مریض کے آپریشن کیلئے کچھ ٹیسٹ درکار تھے جنہیں کے رزلٹ کا انتظار تھا، مریض کےساتھ آئے تیماردار نے ڈاکٹر کا دوپٹہ کھینچ کر بد تمیزی کی۔
ایم ایس ڈاکٹرنثار کا کہنا تھا کہ تیماردارنےمذہب کارڈ استعمال کرنےکی دھمکی بھی دی اور کہا کہ وہ کرسچن ہے، اس لئے اچھا سلوک نہیں کیا جارہا۔
