شوبز انڈسٹری کی معروف اداکارہ ماورا حسین نے زندگی کی 32 بہاریں دیکھ لیں۔
فوٹو اور ویڈیو شیئرنگ ایپ انسٹاگرام پر اداکارہ ماورا حسین نے اپنی سالگرہ کی تصاویر اور ویڈیو شیئر کی جس میں انہیں کیک کے ساتھ خوشگوار موڈ میں دیکھا جاسکتا ہے۔
تصاویر میں ماورا حسین کے ساتھ کیک کے ساتھ دیکھا جاسکتا ہے جبکہ اداکارہ نے اپنی سالگرہ لندن میں منائی۔
ماورا حسین نے تصاویر شیئر کرتے ہوئے کیپشن میں بتایا کہ ’وہ 32 سال کی ہوگئی ہیں۔‘ اداکارہ نے ایک ویڈیو بھی شیئر کی جس میں وہ سالگرہ کے لیے پرجوش دکھائی دے رہی ہیں۔
اداکارہ کو مداحوں کی جانب سے سالگرہ کی مبارک باد دی جارہی ہے۔
واضح رہے کہ ماورا حسین سوشل میڈیا پر کافی متحرک رہتی ہیں اور اکثر اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔
اس سے قبل بھی اداکارہ نے تصاویر شیئر کی تھیں جو وائرل ہوگئی تھیں۔
ماورا حسین متعدد ڈراموں میں مرکزی کردار نبھا چکی ہیں جبکہ وہ بالی ووڈ فلم ’صنم تیری قسم۔‘ اور پاکستانی فلم ’جوانی پھر نہیں آنی ۔‘ میں اداکاری کے جوہر دکھا چکی ہیں۔
