انڈین پریمیئر لیگ کے حکام نے غیرملکی پلیئرز کو لیگ چھوڑنے سے بعض رکھنے کے لیے ان کے گرد قوانین کا شکنجہ کس دیا۔
آئی پی ایل گورننگ کونسل نے 28 ستمبر کو آئی پی ایل 2025-27 کے لیے نئے قوانین کا اعلان کیا ہے، بی سی سی آئی سیکریٹری جے شاہ نے بتایا کہ آئی پی ایل فرنچائزز اپنے موجودہ اسکواڈ سے کل 6 کھلاڑیوں کو ریٹین کرسکتی ہیں جکبکہ فرنچائزی کو رائٹ ٹو میچ کا بھی آپشن دیاگیا ہے۔
نئے قوانیں کے مطابق آئی پی ایل 2025 کے لیے فرنچائزز کی نیلامی کی رقم 120 کروڑ روپے مقرر کی گئی ہے۔ اس سے قبل یہ رقم 90 کروڑ مقرر تھی۔
2024 میں مجموعی سیلری کیپ 110 کروڑ روپے تھی جو اب 2025 میں 146 کروڑ روپے، 2026 میں 151 کروڑ روپے اور 2027 میں 157 کروڑ روپے ہو جائےگی۔
پہلی بار انڈین پریمیئر لیگ کی تاریخ میں میچ فیس دی جائیگی، ہر کھلاڑی بشمول امپیکٹ پلیئرز کو 7.5 لاکھ روپے فی میچ فیس ملے گی اور یہ ان کے معاہدے کی رقم کے علاوہ ہوگا، غیرملکی کھلاڑی کو بڑی نیلامی کے لیے رجسٹریشن بھی کرانی ہوگی۔
نئے قوانین کے مطابق اگر غیرملکی کھلاڑی رجسٹریشن نہیں کراتے ہیں تو وہ اگلے سال ہونے والی مِنی نیلامی میں رجسٹریشن کے لیے نااہل ہو جائیں گے۔
اگر کوئی بھی کھلاڑی آکشن کے لیے رجسٹر ہوتا ہے اور نیلامی میں منتخب ہونے کے بعد سیزن شروع ہونے سے پہلے وہ دستیاب نہیں ہوتا تو اس پر 2 سیزن کے لیے ٹورنامنٹ اور پلیئر آکشن میں شرکت پر پابندی عائد کر دی جائے گی۔
نئے قوانین کے تحت امپیکٹ پلیئر ریگولیشن 2025 سے 2027 تک جاری رہے گا۔ ان کیپڈ کھلاڑی سے چنئی سپر کنگز کو فائدہ پہنچنے کا امکان ہے کیونکہ وہ سابق کپتان ایم ایس دھونی کی خدمات کو برقرار رکھ پائیں گے۔