بی جے پی کی حکومت میں بھارت میں لاقانونیت کاراج برقرار ہے، خواتین مکمل طور پر غیر محفوظ ہیں، خواتین کے بڑھتے ہوئے ریپ کے واقعات سے خطے میں تشویش کی لہر دوڑ گئی ہے۔
بین الاقوامی خبر رساں ادارے کی رپورٹ کے مطابق بھارت میں انسٹا گرام پر دوستی کے بعد طلاق یافتہ خاتون کو جنسی زیادتی کا نشانہ بنادیا گیا۔
افسوسناک واقعہ مدھورا نگر پولیس اسٹیشن کے حدود میں پیش آیا۔ پولیس کا کہنا ہے کہ 30 سالہ خاتون فلموں میں اسسٹنٹ ڈائرکٹر کے طورپر کام کیا کرتی ہے۔
خاتون نے حال ہی میں اپنے شوہر سے طلاق لی تھی، اس دوران اس کی دوستی انسٹا گرام پر ششی کرن ریڈی سے ہوئی۔ شاطر شخص نے کام کا بہانہ کرتے ہوئے خاتون کو 27 ستمبرکو اپنے گھر بلایا اور زیادتی کا نشانہ بنادیا۔
رپورٹس کے مطابق خاتون نے وہاں سے نکلنے کے بعد پڑوسیوں کی مدد سے پولیس کنٹرول روم سے رابطہ کیا، جس پر پولیس نے تحقیقات کا آغاز کردیا ہے۔
اس سے قبل تلنگانہ کے کاماریڈی شہر میں ایک اسکول کے پی ٹی ٹیچر نے چھٹی جماعت کی مسلم طالبہ کو جنسی زیادتی کا نشانہ بنادیا۔
معاملہ سامنے آنے پر بچی کے رشتہ داروں اور مقامی افراد نے اسکول پر دھاوا بول دیا، اس دوران شدید احتجاج کیا گیا، جبکہ پولیس کی جانب سے احتجاج کرنے والوں پر لاٹھی چارج کیا گیا۔
اسکول پرنسپل نے زیادتی میں ناکامی پر 6 سالہ بچی کی جان لے لی
رپورٹس کے مطابق پی ٹی ٹیچر ناگراجو نے چھٹی جماعت کی 11 سالہ مسلم لڑکی کے ساتھ ہفتہ کے روز جنسی زیادتی کی تھی، بچی کی طبیعت بگڑنے پر اسے اسپتال منتقل کیا گیا، جہاں زیادتی کا انکشاف ہوا، متاثرہ بچی کے گھر والوں نے پولیس کو اطلاع کی جس پر ملزم پی ٹی ٹیچر کو فوری گرفتار کرلیا گیا۔
