اسلام آباد : سابق وفاقی وزیر محمد علی درانی کا کہنا ہے کہ آئینی ترامیم سے زیادہ بڑا چیلنج شنگھائی تعاون تنظیم کانفرنس ہے، کانفرنس تک آئینی ترامیم سمیت ٹکراؤوالے تمام معاملات موخرکر دیں۔
تفصیلات کے مطابق سابق وفاقی وزیر محمد علی درانی نے اے آر وائی نیوز سے خصوصی گفتگو میں کہا کہ آئینی ترامیم سے زیادہ بڑا چیلنج شنگھائی تعاون تنظیم کانفرنس ہے، ایس سی او
کانفرنس پاکستان کیلئے سنگ میل کی حیثیت رکھتی ہے۔
سابق وفاقی وزیر کا کہنا تھا کہ کانفرنس سےپاکستان علاقائی اشتراک، معاشی اور سیاسی طاقت حاصل کرسکتا ہے، کانفرنس تک ترامیم سمیت ٹکراؤ والے تمام معاملات مؤخر کردیں۔
انھوں نے کہا کہ آئینی ترامیم قومی معاملہ ہےجس کےلیے لمبا غوروفکرکیاجاتا ہے، گزشتہ ماہ راتوں رات ترامیم نہیں ہوئیں تو کون ساطوفان آگیا۔
سابق وزیر نے مزید کہا کہ کانفرنس سے پہلے کسی قسم کا تناؤ پاکستان کے مفاد میں نہیں، اپوزیشن اور حکومت 16 اکتوبر تک ٹکراؤ والا کوئی قدم نہ اٹھائیں۔
