اسلام آباد : سابق سفیر ملیحہ لودھی کا کہنا ہے کہ ایران پر حملہ ہواتو تیل کی قیمتیں بڑھ جائیں گی، ڈیموکریٹس جانتے ہیں تیل مہنگا ہوا تو ٹرمپ فائدہ اٹھا لے۔
تفصیلات کے مطابق سابق سفیر ملیحہ لودھی نے اے آر وائی نیوز کے پروگرام خبر میں گفتگو کرتے ہوئے کہا پہلے دیکھنا ہوگا کہ مشرق وسطیٰ میں صورتحال کس طرف جاتی ہے، پاکستان کس طرف کھڑا ہوگا پہلے مشرق وسطیٰ کی صورتحال کو دیکھنا ہوگا۔
سابق سفیر کا کہنا تھا کہ مشرق وسطیٰ کی صورتحال کا صرف پاکستان نہیں پورے خطے پر اثر ہوگا، دیکھنا ہوگا کہ مشرق وسطیٰ میں جنگ بندی کیلئے کون کردار ادا کرتا ہے۔
انھوں نے بتایا کہ امریکا میں انتخابات قریب ہیں اوراسرائیل کی بھرپور حمایت کر رہا ہے، امریکا اسرائیل کیساتھ مل کر ایران پر حملہ کرے یہ مشکل لگ رہا ہے کیونکہ ایرانی حملوں کےجواب میں امریکی حکومت بھی تقسیم کا شکار ہے۔
سابق سفیر نے کہا کہ امریکی انتظامیہ کے کچھ ارکان کہتے ہیں ہمیں خاموشی اختیار کرنی چاہیے، کچھ ارکان کہتے ہیں یہ موقع ہے ایران پر حملہ کرنا چاہیے۔