پاکستان کرکٹ ٹیم کے وکٹ کیپر بلے باز محمد حارث شادی کے بندھن میں بندھ گئے، کرکٹر کی دعوت ولیمہ کی تقریب پشاور میں ہوئی۔
ذرائع کے مطابق کرکٹر محمد حارث کی بارات کی تقریب کا انعقاد پشاور میں کیا گیا، جس میں دوستوں اور رشتہ داروں نے شرکت کی، کرکٹر کی ولیمہ کی تقریب آج منعقد ہوگی۔
کرکٹر کے بھائی محمد انس کا کہنا تھا کہ حارث کی شادی فیملی میں ہوئی ہے، ہم حارث کی خوشحال زندگی کے لیے دعا گو ہیں۔
واضح رہے کہ گزشتہ ماہ 6 ستمبر کو قومی وکٹ کیپر بیٹر نے انسٹاگرام پر اپنے نکاح کی خوشخبری سنائی تھی اور ساتھ ہی اپنی کچھ تصویریں بھی شیئر کی تھیں۔
View this post on Instagram
قومی وکٹ کیپر بیٹر نے خود سوشل میڈیا پر اپنے انسٹاگرام اکاؤنٹ سے تصاویر اور ویڈیو شیئر کر کے اپنے نکاح کی خوشخبری سے فینز کو آگاہ کیا تھا۔
ویرات کوہلی اور انوشکا شرما کی کرکٹ کھیلنے کی ویڈیو وائرل
انہوں نے تصویر کے کپشن میں لکھا تھا کہ آج میرے نکاح کا دن ہے اور اس نعمت کے لیے اللہ تعالیٰ کا بہت بہت شکر گزار ہوں۔
