اقوام متحدہ کے سیکرٹری جنرل انتونیو گوتریس کا اپنے بیان میں کہنا ہے کہ لبنان میں حملوں کے تبادلے کا دائرہ وسیع ہوتا جارہا ہے، صورتحال بدتر سے بدترین ہوگئی ہے۔
غیر ملکی ذرائع ابلاغ کے مطابق سیکریٹری جنرل انتونیو گوتریس نے کہا اسرائیل نے لبنان میں جنگ بندی کیلیے فرانس کی پیشکش کو مسترد کردیا ہے۔
اقوام متحدہ کے سیکرٹری جنرل کا مزید کہنا تھا کہ اسرائیل کے خلاف ایرانی حملے مسئلہ فلسطین کیلئے کسی صورت سودمند نہیں۔ لبنان میں وسیع پیمانے پر جنگ سے اجتناب کیا جانا چاہئیے۔
اُنہوں نے کہا کہ غزہ کی پٹی میں جنگ بندی اور لبنان میں شرانگیز حملے فوری روکے جائیں۔ مسئلہ فلسطین کے دو ریاستی حل کا وقت آپہنچا ہے۔
دوسری جانب اقوام متحدہ کی سلامتی کونسل میں ایران نے دوٹوک مؤقف اپنایا ہے کہ اگر اسرائیل نے مزید کارروائی کی تو بھرپور جواب دیں گے۔
سلامتی کونسل کے اجلاس میں ایرانی سفیر سفیر امیر سعید نے بتایا کہ ایران کی جانب سے اسرائیل کو جواب دینا ناگزیر تھا اور تقریباً 200 بیلسٹک میزائلوں کا تجربہ ضرورت تھا، دشمن کو جارحیت کا جواب دینا ضروری تھا اور اسرائیل کو یہ برداشت کرنا پڑے گا۔
امیر سعید نے کہا کہ اسرائیل نے بار بار علاقائی سالمیت کی خلاف ورزی کی، بار بار حملوں کے جواب میں تہران نے ضروری قدم اٹھایا، اپنے دفاع کے مکمل حق کے مطابق فوجی اہداف پر حملہ کیا۔
انہوں نے کہا کہ اسرائیل نے حماس رہنما کو ایران کی سرزمین پر شہید کیا جبکہ دمشق میں ایرانی قونصل خانے کو نشانہ بنایا، اس نے لبنان میں ایک ایرانی فوجی مشیر کو قتل کیا۔
فلسطینی صحافی اسماء حریش کو اسرائیل نے رہا کردیا
اجلاس میں سفیر کا کہنا تھا کہ اسرائیل نے مسلسل ایرانی سرزمین اور مفادات کی خلاف ورزی کی، تہران اب اپنی علاقائی سالمیت کے تحفظ کیلیے تمام وسائل استعمال کرے گا۔
