نوبیل انعام یافتہ ملالہ یوسفزئی کی جانب سے غزہ کے متاثرین کے لیے ہنگامی امدادی فنڈز کا اعلان کردیا گیا ہے۔
ملالہ یوسفزئی کا سوشل میڈیا پر جاری بیان میں کہنا تھا کہ وہ غزہ متاثرین کے لیے مزید 3 لاکھ ڈالر کی رقم جاری کررہی ہیں، جسے فلطسینی بچوں کے بحالی کے لیے کام کرنے والی انسانی حقوق کی تنظیموں کو دیا جائے گا۔
ملالہ کا کہنا تھا کہ دیئے جانے والے فنڈ سے غزہ کے بچوں کے لیے خوراک، صاف پانی اور طبی امداد سمیت دیگر ضروریات کا انتظام کیا جائے گا۔ اُنہوں نے غزہ میں فوری جنگ بندی کا بھی مطالبہ کیا۔
ملالہ کا مزید کہنا تھا کہ وہ غزہ کے ان فلسطینی بچوں کے بارے میں روز سوچتی ہیں جن پر اسرائیل کی جانب سے بربریت کا سلسلہ جاری ہے، ان کے گھروں اور اسکولوں کو تباہ کردیا گیا ہے جبکہ وہ اپنے پیاروں کو کھو چکے ہیں۔
فلسطینی صحافی اسماء حریش کو اسرائیل نے رہا کردیا
یاد رہے کہ ملالہ فنڈ کی جانب سے اکتوبر 2023 میں بھی انسانی حقوق تنظیموں کے لیے 3 لاکھ ڈالر جاری کئے جاچکے ہیں۔