کراچی: ماہ ستمبر میں سیمنٹ کی ایکسپورٹ میں اضافہ ہوگیا، آل پاکستان سیمنٹ مینوفیکچررز ایسوسی ایشن نے اعداد و شمار جاری کردیے۔
تفصیلات کے مطابق گزشتہ مہینے میں سیمنٹ کی ایکسپورٹ میں 71 عشاریہ 52 فیصد کا اضافہ ہوا، ستمبر 2024 میں سیمنٹ کی ایکسپورٹ 9 لاکھ 78 ہزار 871 ٹن رہی، ستمبر 2023 میں سیمنٹ کی ایکسپورٹ 5 لاکھ 70 ہزار 692 ٹن تھی۔
ستمبر 2024 کے دوران سیمنٹ کی مقامی فروخت میں 18 فیصد کمی واقع ہوئی، سیمنٹ کی مجموعی فروخت اس مہینے کے دوران 5.63 فیصد کم رہی، گزشتہ مہینے مجموعی فروخت 3.540 ملین ٹن رہی۔
ستمبر 2023 کے دوران مجموعی فروخت 3.751 ملین ٹن رہی تھی، جولائی تا ستمبر کے دوران سیمنٹ کی مقامی فروخت 8.130 ملین ٹن ریکارڈ کی گئی، گزشتہ مالی سال کے اسی عرصے کی فروخت 19.78 فیصد کم رہی۔
اس عرصے کی ایکسپورٹ 22.19 فیصد اضافے سے 2.140 ملین ٹن رہی، ترجمان نے بتایا کہ مسلسل چوتھا مہینہ ہے جس میں سیمنٹ کی مقامی فروخت میں کمی واقع ہوئی۔
