لبنان پر اسرائیلی حملوں کے دوران ایرانی وزیر خارجہ بیروت پہنچ گئے۔
بین الاقوامی میڈیا رپورٹس کے مطابق ایرانی وزیر خارجہ عباس راقچی نے بیروت پہنچ کر لبنانی وزیراعظم نجیب میقاتی سے ملاقات کی اور اسرائیلی جارحیت کے مقابلے میں لبنان کی استقامت، حکومت اور ملت کی حمایت پر زور دیا۔
ایرانی وزیر خارجہ عباس عراقچی نے کہا ہے کہ وہ لبنان کا دورہ کر رہے ہیں تاکہ یہ واضح ہو سکے کہ ایران ہمیشہ لبنان کے عوام کے ساتھ کھڑا رہے گا۔
- Advertisement -
ایکس پر بیان میں انہوں نے کہا کہ ہم دوسری علاقائی حکومتوں کو دعوت دیتے ہیں کہ وہ لبنان کے لیے اپنی حمایت میں ثابت قدمی کا مظاہرہ کریں، خاص طور پر اسرائیلی حکومت کے حملے کے دوران وہ حمایت کریں۔
لبنان پر اسرائیل کے جاری حملوں کے درمیان ایرانی حکام اور مقامی میڈیا نے قبل ازیں اس دورے کی تصدیق کی تھی۔
