نئی دہلی: بھارت کی ریاست اتر پردیش کے امیٹھی میں انتہائی افسوسناک واقعہ پیش آیا، اسکول ٹیچر کو بیوی اور دو معصوم بچوں سمیت فائرنگ کرکے قتل کردیا گیا۔
بین الاقوامی خبر رساں ادارے کی رپورٹ کے مطابق گزشتہ روز شام کے وقت شیو رتن گنج پولیس اسٹیشن کے حدود میں اس واردات کو انجام دیا گیا، جس کے بعد علاقے میں سنسنی پھیل گئی۔
رپورٹس کے مطابق اسکول ٹیچر سنیل کمار اپنی بیوی اور دو بچوں کے ساتھ کرائے کے مکان میں رہتے تھے، شام کے وقت مسلح افراد ان کی رہائش گاہ پر پہنچے اور فائرنگ شروع کردی۔
واقعہ کی اطلاع ملتے ہی امیٹھی کے رکن پارلیمنٹ کشوری لال شرما نے کانگریس کے رکن پارلیمنٹ راہل گاندھی کی فون پر متاثرہ خاندان کے ذمہ داروں سے فون پر بات کروائی۔
راہل گاندھی نے انصاف فراہم کرنے اور ملزمان کو سزا دلانے کی یقین دہانی کرائی۔ انہوں نے ہر ممکن مدد اور معاوضہ فراہم کروانے کا بھی یقین دلایا۔ پولیس قتل کا مقدمہ درج کرکے تحقیقات کا آغاز کردیا ہے۔
اس سے قبل بھارت کے حیدرآباد اور اس کے مضافات میں 2 خواتین کو انتہائی بے دردی سے قتل کردیا گیا۔
بھارتی میڈیا رپورٹس کے مطابق آر ایم پی ڈاکٹر کی بیوی سندھیارانی کا جوہلی ہلز پولیس اسٹیشن کے حدود میں قتل کیا گیا، یہ واردات اُس وقت پیش آئی جب خاتون کا شوہر کلینک گیا ہوا تھا اور وہ گھر میں اکیلی تھی۔
مقتولہ کے بچے ٹیوشن سے گھر پہنچے تو انہوں نے دیکھا کہ ماں کی خون میں لت پت لاش پڑی ہوئی ہے، پولیس نے اس سلسلے میں مقدمہ درج کرکے تحقیقات کا آغاز کردیا ہے۔
قتل کی دوسری واردات میاں پور پولیس اسٹیشن کے حدود میں پیش آئی، اسپندنا نامی 29 سالہ سافٹ ویر ملازمہ نے محبت کی شادی کی تھی، بعد ازاں اُس نے اپنے شوہر سے علیحدگی اختیار کرلی تھی اور اپنی ماں کے ساتھ رہنے لگی تھی۔
ٹرین کی سیڑھیوں پر بیٹھے شخص کے ساتھ کیا ہوا؟ دلخراش مناظر کی ویڈیو وائرل
اس کا اپنے شوہر کے ساتھ طلاق کا مقدمہ بھی عدالت میں زیر سماعت ہے، کل وہ گھر میں تنہا تھی کہ نا معلوم افراد نے گھر میں داخل ہوکر خاتون کو قتل کیا اور فرار ہوگیا۔ پولیس کی جانب سے معاملے کی چھان بین شروع کردی گئی ہے۔
