وفاقی تحقیقاتی ادارے نے کارروائی کرتے ہوئے بھیک مانگنے کی غرض سے سعودی عرب جانے والی خاتون کو گرفتار کرلیا۔
تفصیلات کے مطابق ایف آئی اے امیگریشن کراچی کی جانب سے 2 مختلف کارروائیاں کی گئیں، گداگری اور جعلی دستاویزات پر سفر کرنے میں ملوث خاتون سمیت 2 مسافروں کو حراست میں لیا گیا۔
پہلی کارروائی میں گداگری کےغرض سےسعودی عرب سفرکرنیوالی خاتون کو گرفتار کیا گیا، ملزمہ ہوٹل بکنگ کے حوالے سے دستاویزات دینے میں ناکام رہی۔
- Advertisement -
ایف آئی اے نے بتایا کہ ملزمہ سفری اخراجات کے حوالے سے بھی حکام کو مطمئن نہ کر سکی، ملزمہ کی جانب سے پیش کیا گیا ریٹرن ٹکٹ بھی دوسرے مسافر کے نام پر تھا۔
حکام کا مزید کہنا تھا کہ ایک اور کارروائی میں جعلی دستاویزات پر سفر کرنے والے مسافر پکڑا گیا، ملزم وزٹ ویزے پر ملاوی جا رہا تھا، پاسپورٹ پر جنوبی افریقہ کا جعلی ویزا لگا ہوا تھا۔
