پاک انگلینڈ ٹیسٹ سیریز کا پہلا میچ آج سے ملتان کرکٹ اسٹیڈیم میں کھیلا جائیگا، شان مسعود پاکستانی کرکٹ ٹیم کی نمائندگی کریں گے۔
اے آر وائی نیوز کے مطابق اولی پاپ انگلینڈ کرکٹ ٹیم کی پہلے ٹیسٹ میچ میں قیادت کریں گے۔
اس سے قبل گزشتہ روز پاک انگلینڈ تین ٹیسٹ میچوں کی سیریز کی ٹرافی کی رونمائی ملتان اسٹیڈیم میں ہوئی، دونوں ٹیموں کے کپتانوں نے رونمائی کی۔
View this post on Instagram
- Advertisement -
یہ سیریز آئی سی سی ٹیسٹ چیمپئن شپ 25-2023 کا حصہ ہے اور دونوں ہی ٹیموں کو اپنی حالیہ سیریز میں وائٹ واش کی خفت کا سامنا کرنا پڑا ہے۔
واضح رہے کہ میچ سے قبل دونوں ٹیموں کی ملتان اسٹیڈیم میں بھرپور پریکٹس جاری ہے۔
پاکستان اور انگلینڈ کے درمیان پہلا ٹیسٹ 7 اکتوبر اور دوسرا 15 اکتوبر کو ملتان کرکٹ اسٹیڈیم میں کھیلا جائے گا جب کہ تیسرا اور آخری ٹیسٹ میچ 26 اکتوبر سے پنڈی کرکٹ اسٹیڈیم میں ہوگا۔
