لندن: صدر ورلڈ میمن آرگنائزیشن سلمان اقبال کا کہنا ہے کہ میں پہلے مسلمان، پھر پاکستانی اور پھر میمن ہوں، میمن نوجوانوں کوا پنی شناخت پر فخر ہونا چاہیے۔
تفصیلات کے مطابق ورلڈ میمن آرگنائزیشن کی بائیسویں سالانہ جنرل میٹنگ کے موقع پر لیسٹر میں ظہرانے کا اہتمام کیا گیا، صدر ورلڈ میمن آرگنائزیشن سلمان اقبال نے ظہرانے سے خطاب کرتے ہوئے کہا میں پہلے مسلمان، پھر پاکستانی اور پھر میمن ہوں، میمن نوجوانوں کوا پنی شناخت پر فخر ہونا چاہیے۔
صدرورلڈ میمن آرگنائزیشن کا کہنا تھا کہ میرے دور میں پانچ سو جماعتوں پر مشتمل میمن فیڈریشن انڈیا بھی ڈبلیو ایم او کا حصہ بنی۔
View this post on Instagram
سلمان اقبال نے ڈبلیو ایم او سینٹر لیسٹر کیلئے دو لاکھ پاؤنڈز کا اعلان کرتے ہوئے کہا کہ اگلےسال جنرل میٹنگ جدہ میں کریں گے، جدہ میں ڈبلیو ایم او کی اے جی ایم نہ کرسکے تو امریکا میں کریں گے۔
ظہرانے میں نائب صدر ڈبلیوایم اومحمودشیخانی،سیکریٹری جنرل بشیرستار،گلوبل لیڈیزونگ کی چیئرپرسن شبانہ عبدالرزاق اورمیمن کمیونٹی کے سیکڑوں رہنماؤں نے شرکت کی۔
دوسری جانب ورلڈ میمن آرگنائزیشن کی بائیسویں سالانہ جنرل میٹنگ کے موقع پر لیئسٹر چیپٹر ایم اے ایل نے ایوارڈ تقریب کا اہتمام کیا گیا۔
جس میں سی ای او اے آر وائی ڈیجیٹل نیٹ ورک اور صدر ڈبلیو ایم او سلمان اقبال، نائب صدر محمود شیخانی، سیکریٹری جنرل بشیر ستار، چئیرپرسن گلوبل لیڈیز ونگ شبانہ عبدالرزاق، خرم کالیا، کامران غنی اور اشرف ستار سمیت پوری دنیا سے آئے ہوئے ڈبلیو ایم او کے عہدیدران نے شرکت کی-
یاد رہے ورلڈ میمن آرگنائزیشن کی بائیسویں سالانہ میٹنگ کے دوسرے روز کی صدارت ڈبلیو ایم او کے صدر سلمان اقبال نے کی۔
ڈبلیو ایم او کےپاکستان، بھارت، جنوبی افریقہ، مڈل ایسٹ، امریکا، یوکے،یورپ، سری لنکا چیپٹرز، گلوبل لیڈیزونگ اور گلوبل یوتھ ونگ کے صدور وچیئر پرسنز نے سالانہ رپورٹس پیش کیں، جن میں گزشتہ سال کی کارکردگی اور آئندہ منصوبوں کے بارے میں آگاہ کیا۔
صدرڈبلیوایم او سلمان اقبال، سیکریٹری جنرل بشیرستار و دیگر نے کارکردگی پر اطمینان کا اظہار کرتے ہوئے تجاویزدیں۔
سلمان اقبال نے ہدایت کی تعلیم، صحت اور ہاؤسنگ کو ترجیح دی جائے جبکہ اجلاس میں گلوبل لیڈیز ونگ اور گلوبل یوتھ ونگ کیلئے بھی اہم فیصلے کئےگئے اور ٹریژرر وسیم عادل نے سالانہ آڈٹ رپورٹ کاجائزہ پیش کیا۔
