لاہور میں سفاک باپ نے بیٹے کو رسیوں سے باندھ کر تشدد کیا اور گھر میں قید کرلیا جس کے بعد پڑوسی نے پولیس سے مدد طلب کرلی۔
تفصیلات کے مطابق لاہور میں سفاک باپ مے اپنے ہی بیٹے کو تشدد کا نشانہ بنانے کے بعد اسے گھر میں قید کرلیا جس کے بعد بچے کی چیخ و پکار سن کر ہمسائے نے پولیس سے مدد طلب کی۔
ورچوئل سینٹر فار چائلڈ سیفٹی میں بچے پر تشدد کی کال موصول ہوئی، ورچوئل سینٹر فار چائلڈ سیفٹی نے فوری پولیس کو موقع پر روانہ کیا، پولیس نے موقع پر پہنچ کر بچے کو بازیاب کرایا اور طبی امداد کیلئے اسپتال پہنچایا۔
کالر کے مطابق باپ نے بیٹے کو رسیوں سے باندھ کر کمرے میں بند کر رکھا تھا، ترجمان پولیس کا کہنا تھا کہ خوشاب پولیس نے باپ کیخلاف مقدمہ درج کر کے حراست میں لے لیا۔
ترجمان ورچوئل سینٹر فار چائلڈ سیفٹی کے مطابق بچے کو رشتہ دار کی حفاظتی تحویل میں دے دیا گیا ہے۔