کراچی: خیبر پختونخوا کے شہر کوہاٹ میں ٹرین میں سوار ایک مسافر سے پستول سمیت کلاشنکوف کی سیکڑوں گولیاں برآمد ہوئی ہیں۔
ترجمان پاکستان ریلویز کے مطابق کوہاٹ ریلوے اسٹیشن پر ریلوے پولیس نے ایک کارروائی میں اسحے کی اسمگلنگ کی کوشش ناکام بنا دی، اور مسافر کے قبضے سے ناجائز اسلحہ اور سیکڑوں گولیاں برآمد کیں۔
- Advertisement -
ریلوے پولیس کے عملے نے شک کی بنیاد پر رحمان گل نامی مسافر کی تلاشی لی تھی، اسلحہ برآمد ہونے پر اسے گرفتار کر لیا گیا۔ ترجمان ریلویز پولیس کے مطابق ملزم کے خلاف تھانہ ریلویز پولیس کوہاٹ میں مقدمہ درج کر لیا گیا ہے۔
ملزم رحمان گل کے قبضے سے 9 ایم ایم پستول سمیت ایس ایم جی کلاشنکوف اور دیگر اسلحے کی سیکڑوں گولیاں برآمد ہوئی ہیں۔
