کراچی: تیزرفتارکارفٹ پاتھ پرچڑھ گئی جس کے نتیجے میں دو افراد اپنی جان سے ہاتھ دھوبیٹھے۔
تفصیلات کے مطابق کراچی کی مرکزی شاہراہ، شاہراہِ فیصل پرایک تیزرفتارکارفٹ پاتھ پرچڑھ کربجلی کے کھمبے سے جاٹکرائی جس کے نتیجے میں کارکے اندر موجود دونوں افراد موقع پرجاں بحق ہوگئے۔
حادثے میں جاں بحق ہونے والے افراد کی شناخت محمد فرحان اورمحمد طلحہ کے نام سے ہوئی۔
حادثہ اس قدر شدید تھا کہ گاڑی مکمل طور پرتباہ ہوگئی یہاں تک کہ ریسکیواہلکاروں کو حادثے میں جاں بحق ہونے والے افراد کی لاشیں باہر نکالنے میں بھی شدید دشواری پیش آئی۔
عینی شاہد کے مطابق گاڑی کی رفتار اس قدر تیز تھی کہ جب حادثہ ہوا تو سی این جی سلینڈر اور سیٹیں کل کر باہر جاگریں۔
