کراچی : سندھ ہائیکورٹ نے ایم ڈی کیٹ ٹیسٹ کے نتائج پرحکم امتناع جاری کرتے ہوئے میرٹ لسٹ کے اجرا سے روک دیا۔
تفصیلات کے مطابق سندھ ہائیکورٹ میں میڈیکل میں داخلوں کے لیے ایم ڈی کیٹ ٹیسٹ میں بے قاعدگیوں کا کیس پر سماعت ہوئی۔
عدالت نے نتائج پر حکم امتناع جاری کرتے ہوئے میرٹ لسٹ کے اجراء سے روک دیا ساتھ ہی سیکرٹری صحت اور چیف سیکرٹری نے الزامات کی تحقیقات کے لیے کمیٹی تشکیل دینے کی تجویز دی ہے۔
عدالت نے کہا کہ کمیٹی میں ڈاکٹر شیریں ناریجو سی ایم آئی ٹی ،ڈائریکٹر سائبر کرائم ایف آئی اے کراچی شامل ہوں، کمیٹی کے تیسرے ممبر کا نام بتائیں مرید علی راہموں سابق سیکرٹری بورڈ بھی کمیٹی کے ممبر ہوں گے کمیٹی تحقیقات کرکہ کریمنل اور سول زمہ داری عائد کرے۔
عدالت نے کہا کہ کمیٹی تمام الزامات کی تحقیقات 15 دن میں مکمل کریں، کمیٹی کسی بھی ادارے سے معاونت حاصل کرسکتی ہے۔
سندھ ہائی کورٹ کا کہنا تھا کہ کمیٹی ٹیسٹ لینے والی یونیورسٹیوں اور پی ایم ڈی سی سے ریکارڈ طلب کرسکتی ہےاور درخواست گزاروں سے ان کے اعتراضات لے اگر کوئی دینا چاہیے تو۔
عدالت نے میرٹ لسٹ شائع کرنے سے روکتے ہوئے کہا کہ کوئی ادارہ داخلوں کا عمل شروع نہ کرے۔
