کراچی : گلبرگ کے علاقے قبائل کالونی میں 3 سالہ بچی کو گلے میں پھندا لگا کر قتل کردیا گیا، لاش کچرا کنڈی سے برآمد ہوئی۔
تفصیلات کے مطابق کراچی کے علاقے گلبرگ قبائل کالونی میں کچرا کنڈی سے تین سالہ بچی کی لاش ملی ، جسے گلے میں پھندا لگا کر قتل کیا گیا۔
اہل خانہ نے بتایا کہ بہن بھائی مدرسے جانے کیلئے نکلے تو آمنہ بھی ان کے پیچھے گھر سے نکل گئی، والدہ تلاش کرتی رہی کچھ دیر بعد لاش گھر کے قریب کچرا کنڈی سے ملی۔
لواحقین کا کہنا تھا کہ بچی سوا سات بجے گھر سے نکلی اور لاش پندرہ سے بیس منٹ بعد گلی سے ملی ، پولیس کا کہنا ہے کہ بچی کی لاش کو پوسٹمارٹم کے لیے عباسی شہید ہسپتال منتقل کردیا گیا ہے۔
پولیس کے مطابق بچی کے والد پیشے کے اعتبار سے وکیل ہیں، عمرے پر گئے ہوئے ہیں، 12 اکتوبر کو ان کی واپسی ہے۔
حکام نے بتایا کہ آمنہ چھ بہن بھائیوں میں سب سے چھوٹی تھی ، جس کے گلے میں پھندا لگائے جانے کے نشانات موجود ہیں۔
پولیس کا مزید کہنا ہے کہ پوسٹمارٹم کے دوران بچی کی لاش سے سیمپلز محفوظ کرکے لیبارٹری بھیج دیئے گئے ہیں ، بظاہر لگتا ہے بچی سے زیادتی بھی ہوئی لیکن پولیس سرجن کا بیان حتمی ہوگا اور بچی کے ساتھ زیادتی کی تصدیق کیمیائی تجزیئے کی رپورٹ آنے کے بعد ہوسکے گی۔
