پشاور : بشریٰ گوہر نے مجوزہ آئینی ترامیم پشاور ہائی کورٹ میں چیلنج کردی اور استدعا کی آئینی ترامیم کامسودہ پبلک کیا جائے۔
تفصیلات کے مطابق پشاورہائیکورٹ میں بھی مجوزہ آئینی ترامیم کیخلاف درخواست دائر کردی گئی ، درخواست بشریٰ گوہر نے علی گوہردرانی ایڈووکیٹ کی وساطت سے دائر کی۔
درخواست میں کہا گیا کہ عوام کے تحفظات ہوں تو مشاورت سے اس کو حل کیا جائے، 18 ویں ترمیم پرکمیٹی بنی تھی ،عوام کی رائے کو سننے کے لئے وقت دیا گیا تھا، 18 ویں ترمیم میں 800 سے زائد تجاویز آئی تھیں۔
- Advertisement -
درخواست میں مزید کہنا تھا کہ 18 ویں ترمیم پر روزانہ 5،5 گھنٹے کام ہوا تھا، استدعا ہے کہ آئینی ترامیم کا مسودہ پبلک کیا جائے۔
بشریٰ گوہر کی جانب سے دائر درخواست میں وفاقی حکومت اوروزارت قانون کوفریق بنایا گیا۔
