بھارت کے معروف صنعت کار آنجہانی رتن ٹاٹا سے متعلق ایک یادداشت پاکستان کے نامور گلوکار زوہیب حسن نے سوشل میڈیا پر شیئر کی ہے۔
بھارت کے معروف صنعتکار رتن ٹاٹا 86 برس کی عمر میں گزشتہ روز ممبئی کے ایک اسپتال میں انتقال کرگئے، جہاں وہ کچھ عرصے سے انتہائی نگہداشت کے شعبے میں داخل تھے۔
پاکستان کی شہرت یافتہ بہن بھائیوں پر مبنی پاپ سنگر جوڑی نازیہ حسن اور زوہیب حسن کی عشروں قبل ہونے والی ایک ملاقات کا زوہیب حسن نے سوشل میڈیا پر تذکرہ کیا۔
View this post on Instagram
زوہیب حسن جوکہ مرحومہ نازیہ حسن کے بھائی ہیں نے بتایا کہ کافی برس قبل ان کی والدہ نے نازیہ حسن کو فون دیتے ہوئے کہا کہ تم دونوں کے لیے ایک صاحب، جن کا نام رتن ہے، نے کال کی ہے۔
جس پر پاکستانی گلوکارہ نازیہ حسن نے ان سے بات کی اور رتن صاحب نے نازیہ حسن سے اپنا تعارف کراتے ہوئے کہا کہ وہ ایک میوزک کمپنی سی بی ایس انڈیا کے نام سے شروع کرنے جارہے ہیں۔
اُنہوں نے کہا کہ وہ نازیہ اور میرا ایک البم ریکارڈ کرنا چاہتے ہیں، جس کے بعد ہم نے ان سے ملاقات کا وقت طے کرلیا، چند روز بعد وہ ہمارے گھر آئے، ہمیں اُس وقت تک اس بات کا اندازہ بھی نہیں تھا کہ وہ کون شخصیت ہیں۔
رتن صاحب نے کہا کہ وہ اس حوالے سے معاہدے کیلیے کسی کو ہمارے پاس بھیجیں گے، جس کے بعد ہم نے ینگ ترنگ البم پروڈیوس کیا جو کہ غالباً بھارت اور جنوبی ایشیا میں پہلا میوزک ویڈیو تھا۔
رتن ٹاٹا کس بھارتی اداکارہ سے محبت کرتے تھے؟
زوہیب حسن نے بتایا کہ ہم ممبئی کے تاج ہوٹل میں ان سے ملے تو ہمیں سی بی ایس کے ایم ڈی نے بتایا کہ کیا آپ جانتے ہیں کہ یہ کون صاحب ہیں؟ تب تک ہمیں ان کے بارے میں کچھ علم نہیں تھا۔
