راولپنڈی : مرکزی انجمن تاجران نے 3 روز تک کاروبار بند رکھنے کا اعلان کردیا اور کہا ملک کی ترقی اور کامیابی کیلئےحکومت کےساتھ کھڑے ہیں۔
تفصیلات کے مطابق وفاقی دارالحکومت اسلام آباد میں ایس سی او کانفرنس کے انعقاد کے موقع پر سی پی اور اولپنڈی سید خالد ہمدانی سے انجمن تاجران کے وفد سے ملاقات ہوئی۔
مرکزی انجمن تاجران راولپنڈی کی 3 روز تک کاروبار بند رکھنے کی یقین دہانی کراتے ہوئے کہا کہ انتظامیہ سے مکمل تعاون کیا جائے گا۔
سی پی او نے انجمن تاجران سے ایس سی او سیکیورٹی انتظامات پر تفصیلی بات چیت کی۔
جس پر صدرانجمن تاجران کا کہنا تھا کہ ملک کیلئے3دن دکانیں اورکاروبار بند رکھیں گے، ملک کی ترقی اور کامیابی کیلئےحکومت کےساتھ کھڑےہیں۔
سی پی او سید خالد ہمدانی نے بھرپور تعاون پر انجمن تاجران کا شکریہ ادا کیا۔
یاد رہے ایس سی اواجلاس کے موقع پر شادی ہالز، ریسٹورنٹس، کیفے اور مارکیٹیں بند کرنے کا حکم دیا گیا تھا۔
Currency Rates in Pakistan Today- پاکستان میں آج ڈالر کی قیمت
واضح رہے کہ شنگھائی تعاون تنظیم کا سربراہی اجلاس 15 اور 16 اکتوبر کو اسلام آباد میں ہوگا۔ جس میں کئی ممالک کے سربراہان اور نمائندے شریک ہوں گے۔
ایس سی او سمٹ کے لیے آرٹیکل 245 کے تحت اسلام آباد میں فوج بھی تعینات کی گئی ہے جو 17 اکتوبر تک تعیناتی رہے گی۔
بھارتی وزیرخارجہ جے شنکر بھی ایس سی اوسمٹ میں شرکت کیلئے پاکستان آرہے ہیں، وہ15 ،16 اکتوبر کو سمٹ میں شرکت کریں گے، جے شنکر کا پاکستان کا یہ پہلا دورہ ہوگا
