کراچی : بحیرہ عرب میں ہوا کا کم دباؤ ڈپریشن میں تبدیل ہونے کا امکان ہے، سائیکلون وارننگ سینٹر کراچی سسٹم کی نگرانی کر رہا ہے۔

تفصیلات کے مطابق جنوب مشرقی بحیرہ عرب میں کراچی کے جنوب مشرق میں تقریباً 1000 کلومیٹر کے فاصلے پر ہوا کا کم دباؤ کا علاقہ تشکیل پاگیا۔

سازگار ماحولیاتی حالات کی وجہ سے امکان ہے کہ نظام اگلے 2/3 دنوں کے دوران ڈپریشن میں تبدیل ہوجائے گا۔

ابتدائی طور پر سسٹم شمال مغرب کی طرف بڑھے گا، فی الحال پاکستان کا کوئی بھی ساحلی علاقہ اس موسمی نظام سے متاثر ہونے کا امکان نہیں ہے تاہم ہواؤں کی رفتاربڑھ سکتی ہے اور سمندر میں بھی کچھ طغیانی ہوسکتی ہے

محکمہ موسمیات نے کہا کہ سائیکلون وارننگ سینٹر کراچی سسٹم کی نگرانی کر رہا ہے۔

دوسری جانب بھارتی ماہر موسمیات کا کہنا ہے کہ سمندری طوفان بننے پر اس کا نام ‘دانہ’ DANA رکھا جائے گا، ممکنہ سمندری طوفان کا نام قطرکا تجویز کردہ ہے۔