کراچی: شہر قائد کے ایکسپو سینٹر میں ٹیکنالوجی فیسٹول شروع ہو گیا ہے، جس میں طلبہ کی بڑی تعداد نے شرکت کی۔
تفصیلات کے مطابق کراچی ایکسپو سینٹر میں پہلے ’ٹیکنوفیسٹ‘ کا انعقاد کیا گیا ہے، جس میں ٹیکنیکل، انجنئیرنگ اور میڈیکل کالجز و یونیورسٹیز کے طلبہ شرکت کر رہے ہیں، اور اپنی قابلیت کا مظاہرہ کر رہے ہیں۔
فیسٹیول میں طلبہ کے روزگار کے لیے مختلف کمپنیوں کی جانب سے بھی شرکت کی جا رہی ہے، اور طلبہ کے لیے روبوٹک، اے آئی، سائبر سیکیورٹی سمیت 11 مختلف کانفرنسز کا انعقاد کیا جائے گا، فیسٹیول کے دوسرے روز ’بنو قابل‘ کی گریجویشن تقریب کا بھی انعقاد ہوگا۔
فیسٹیول کا افتتاح کراچی چیمبر آف کامرس کے صدر جاوید بلوانی نے کیا، افتتاحی تقریب میں مختلف یونیورسٹیوں کے وائس چانسلر اور نامور شخصیات نے خصوصی شرکت کی، سرسید یونیورسٹی اور سالم حبیب یونیورسٹی کے وائس چانسلرز بھی موجود تھے، فیسٹیول کے دوسرے روز امیر جماعت اسلامی پاکستان حافظ نعیم الرحمان خصوصی شرکت کریں گے۔
ناظم اسلامی جمعیت طلبہ کراچی آبش صدیقی نے کہا ہم طلبہ کو مایوسی نکالیں گے، اور انھیں صنعتوں سے منسلک کریں گے، شہر کی جامعات سے تین سو پروجکیٹ میں سو پروجکیٹ اس نمایش کا حصہ ہیں، 70 سے ماہرین آئی ٹی فرم بھی فیسٹول کا حصہ ہیں، یہ پاکستان کا سب سے بڑا ڈیجیٹل ٹیکنالوجی فیسٹول ہے، اور اس فیسٹول کے پروجیکٹس عالمی مقابلوں کا حصہ بھی بنیں گے۔
وائس چانسلر سلیم حبیب یونیورسٹی عرفان حیدر نے کہا صرف تھیوری سے مسئلہ حل نہیں ہوگا، کورس کے ساتھ مسائل حل کرنے راستہ نکالنا ہوگا، دس ہزار پی ایچ ڈی بنانے کے باوجود مسائل موجود ہیں،صرف ٹیکنالوجی سے مسئلہ حل نہیں ہوگا۔
صدر کراچی چیمبر اینڈ کامرس جاوید بلوانی نے کہا جو کام وفاقی اور صوبائی حکومتوں کو کرنا تھا وہ جمعیت کو کرنا پڑتا ہے، جو اپنے بچوں بیرون ممالک بھجتے ہیں وہ ناقابل تلافی نقصان ہے، بیرون ممالک جانے والے اپنی آئندہ نسلوں کا سوچیں، بنو قابل اور آج کا فیسٹول ٹیکنوفیسٹ آپ کے لیے امید کی کرن ہے۔
