اسلام آباد : آئینی ترامیم سے متعلق خصوصی کمیٹی کے اجلاس میں ارکان نے پی ٹی آئی کے پندرہ اکتوبرکےاحتجاج کے اعلان پر اظہار تشویش کیا۔
تفصیلات کے مطابق خورشید شاہ کی زیر صدارت سے متعلق خصوصی کمیٹی کا اجلاس ہوا، مولانا فضل الرحمان اور بلاول بھٹو آج کمیٹی اجلاس میں شریک نہیں ہوئے۔
اجلاس میں سیاسی جماعتوں کے ممبران نے شرکت کی ، کمیٹی ارکان نے پی ٹی آئی کے 15 اکتوبر کے احتجاج کے اعلان پر اظہار تشویش کیا۔
کمیٹی ارکان نے کہا کہ کیسے ہو سکتا ہے ایک طرف اکٹھے بیٹھ کرترامیم کیلئے اتفاق رائےپ یداکریں اور دوسری طرف ایس سی او کانفرنس کے موقع پر انتشاری سیاست کی جائے۔
اجلاس میں اپوزیشن لیڈر عمرایوب نے کہا کہ احتجاج کرنا ہمارا آئینی حق ہے،حکومت نے فسطائیت کی انتہاکردی، حکومت نے ہمارے کارکنوں کا جینا دو بھر کر رکھا ہے۔
عمر ایوب کا کہنا تھا کہ واضح کرنا چاہتا ہوں پی ٹی آئی کسی منفی سیاست پریقین نہیں رکھتی، آئینی ترامیم پر اپنا مؤقف کھل کرپیش کریں گے ، ہماری آواز ہمیشہ کی طرح نہیں دبائی جائے گی۔
