دتہ خیل: سیکیورٹی فورسز نے شمالی وزیرستان کے علاقے دتہ خیل میں کارروائی کرکے تریپن دہشتگرد ہلاک کردیئے۔
آئی ایس پی آر سے جاری پریس ریلیز کے مطابق سیکیورٹی فورسز نے شمالی وزیرستان کی تحصیل دتہ خیل میں دہشتگردوں کے ٹھکانوں پر فضائی کارروائی کی ہے جس میں غیر ملکی شہریوں سمیت تریپن دہشگرد ہلاک ہوگئے۔
کارروائی میں دہشت گردوں کےچھ ٹھکانےاوربارودسےبھری سات گاڑیاں بھی تباہ کردی گئیں۔
- Advertisement -
دوسری جانب مہمند ایجنسی میں ترقیاتی کاموں کاجائزہ لینے کے دوران جوانوں سے خطاب میں آرمی چیف کاکہناتھاتعمیر نو اور بحالی کے اقدامات سے حالات بہتر ہوں گے، نوجوانوں کیلئے تعلیم اور اقتصادی مواقع فراہم کرنے سے دور رس نتائج برآمدہوں گے۔ان کاکہناتھا علاقے میں حالات جلد معمول پر آجائیں گے۔
