کراچی : اولڈ سٹی ایریا میں 3 منزلہ عمارت اچانک گرگئی تاہم واقعے میں کسی جانی نقصان کی اطلاع نہیں ملی۔
تفصیلات کے مطابق کراچی میں اولڈ سٹی ایریا پان منڈی کی 3 منزلہ مخدوش عمارت گرگئی، مکینوں کا کہنا ہے کہ بلڈنگ کافی عرصے سے خالی تھی، بدھ کی صبح مزدور کام کررہے تھے اس دوران اچانک بلڈنگ گر کر ملبے کا ڈھیر بن گئی۔
ریسکیوں اداروں کا کہنا تھا کہ واقعے میں کسی جانی نقصان کی اطلاع نہیں ملی تاہم ملبہ اٹھانے کا کام شروع کردیا گیا ہے۔
ذرائع نے انکشاف کیا ہے کہ متعلقہ اداروں کی ملی بھگت سے بلڈرمافیا قدیم اور مخدوش عمارت میں غیر قانونی تعمیرات کروا رہے تھے۔
ایک سروے کے مطابق اولڈ سٹی ایریا میں 500 سے زائد قدیم اور مخدوش عمارتیں ہیں جہاں کم آمدنی والے مکین خوف کے ساِئے میں زندگی گزارنے پر مجبور ہیں۔
