بنگلورو: بھارتی کپتان روہت شرما نے ہندوستان اور نیوزی لینڈ کے درمیان 3 میچوں کی ٹیسٹ سیریز سے قبل محمد شامی کی ٹیم میں واپسی سے متعلق صحافیوں کو آگاہ کیا۔
بھارتی میڈیا کے مطابق روہت شرما کا کہنا تھا کہ محمد شامی مکمل طور پر فٹ نہیں ہیں۔ ٹیم انہیں آسٹریلیا کے دورے پر لینے کا خطرہ مول نہیں لینا چاہتی۔
بھارتی کپتان نے بتایا کہ شامی نے ہندوستان کے لیے اپنا آخری میچ گزشتہ سال نومبر میں آسٹریلیا کے خلاف ون ڈے ورلڈ کپ کے فائنل میں کھیلا تھا۔ انہیں گھٹنوں میں سوجن کی وجہ سے ٹخنے کے آپریشن سے صحت یاب ہونے میں دشواری کا سامنا ہے۔
بھارتی کپتان نے صحافیوں کو بتایا کہ سچ پوچھیں تو ہمارے لیے ان کے بارے میں ابھی فیصلہ کرنا بہت مشکل ہے کہ آیا وہ موجودہ سیریز یا آسٹریلیا کے دورے کے لیے پوری طرح فٹ نہیں ہوسکے ہیں، ان کے گھٹنے میں حال ہی میں سوجن آئی تھی جو کہ کافی غیر معمولی ہے۔
بھارتی کپتان نے کہا کہ محمد شامی اس وقت وہ نیشنل کرکٹ اکیڈمی میں ہیں جہاں فزیوز اور ڈاکٹر اس کی دیکھ بھال کر رہے ہیں۔
روہت کا کہنا تھا کہ ٹیم انتظانیہ کی خواہش ہے کہ شامی انٹرنیشنل کرکٹ میں واپسی سے قبل مکمل فٹنس حاصل کریں۔ انہوں نے کہا، ‘ہم اپنی پوری کوشش کر رہے ہیں اور ہم چاہتے ہیں کہ شامی 100 فیصد فٹ ہوں۔
ویمن ورلڈ ٹی ٹوینٹی : بدترین کارکردگی کے بعد خواتین کرکٹ ٹیم کی وطن واپسی
بھارتی کپتان نے کہا کہ این سی اے میں ان کی ترقی کا مسلسل جائزہ لیا جائے گا اور انہیں قومی ٹیم میں واپسی سے پہلے چند میچز کھیلنے ہوں گے۔
