اسلام آباد: وزیرِاعظم نوازشریف نے بھارت میں تعینات پاکستانی ہائی کمشنرعبدالباسط سے ملاقات کی۔
ملاقات میں وزیرِاعظم نوازشریف نے بھارت میں پاکستانی ہائی کمشنرعبدالباسط سے پاک بھارت تعلقات سے متعلق تبادلہ خیال کیا، نوازشریف کا کہنا تھا کہ بھارت پاکستان کا اہم ہمسایہ ملک ہے اور پاکستان تمام ہمسائیہ ممالک سے اچھے تعلقات کا خواہاں ہے۔
انہوں نے کہا کہ پاکستان بھارت سے برابری، باہمی احترام پرمبنی تعلقات چاہتا ہے، وزیرِاعظم کا کہنا تھا کہ خطے میں امن کے لئے کشمیر سمیت تمام تصفیہ طلب امور کا حل ضروری ہے۔
اس سے قبل بھارت میں پاکستانی ہائی کمشنرعبدالباسط نے کہا ہے کہ پاکستان اوربھارت کو بیٹھ کر مذاکرات کرنے کی ضرورت ہے، بھارت جب تیار ہو مذاکرات کی درخواست کرسکتا ہے ہم مذاکرات کیلئے تیار ہیں۔
انہوں نے کہا کہ پاکستان دہشتگردی سے جس طرح متاثر ہوا کوئی اور ملک نہیں ہوا۔
