جنوبی افریقا کی ٹیم آئی سی سی ویمنز ٹی ٹوئنٹی ورلڈ کپ کے فائنل میں پہنچ گئی، سیمی فائنل میں دفاعی چیمپئن آسٹریلیا کو 8 وکٹوں سے شکست دیدی۔
آسٹریلوی بیٹرزدبئی میں کھیلے گئے ویمنز ٹی ٹوئنٹی ورلڈکپ کے سیمی فائنل میں جنوبی افریقا کے سامنے بے بس دکھائی دیں۔ دو وکٹیں 18 رنز پر گر گئیں، اس کے بعد بیتھ مونی نے 44 اور تاہلیہ میک گرا نے 27 رنز بنا کر ٹیم کو سہارا دیا۔
ایلیسا پیری نے بھی 31 رنز بنائے، مگر آسٹریلوی ٹیم اچھا ہدف دینے میں کامیاب نہ ہوسکی، پانچ وکٹ پر 134 رنز بنا سکی۔
View this post on Instagram
جنوبی افریقا کی بھی پہلی وکٹ ہدف کے تعاقب میں 25 رنز پر گر گئی، لیکن پھر اینیکی بوش نے کپتان لارا کا خوب ساتھ دیا، دونوں نے اسکور 121 تک پہنچا دیا۔
کپتان 42 رنز بنا کرپویلین لوٹ گئیں، مگر اینیکی نے ہمت نہ ہاری اور اٹھاریں اوور میں اپنی ٹیم کو آٹھ وکٹ کی فتح کے ساتھ فائنل میں پہنچا دیا۔ اینیکی 74 رنز بنا کر ناٹ آؤٹ رہیں۔
عامر جمال فٹنس مسائل سے دوچار ہوگئے
ایونٹ کے دوسرے سیمی فائنل میں آج نیوزی لینڈ کا مقابلہ ویسٹ انڈیز سے شارجہ میں ہوگا۔
