لاہور : سوشل میڈیا پر کالج طالبہ سے زیادتی کی غیر مصدقہ خبر وائرل ہونے کی تحقیقات کیلئے جےآئی ٹی تشکیل دے دی گئی۔
تفصیلات کے مطابق محکمہ داخلہ پنجاب نے طالبہ سے زیادتی کی غیر مصدقہ خبر سوشل میڈیا پر وائرل کرنے کی تحقیقات کیلئے جےآئی ٹی بنادی۔
جوائنٹ انویسٹی گیشن ٹیم ایس ایس پی انویسٹی گیشن محمد نوید کی سربراہی میں تشکیل دی گئی، 6رکنی ٹیم میں 3 پولیس افسر اور 3 حساس اداروں کے نمائندے شامل ہیں۔
مشترکہ تحقیقاتی کمیٹی تھانہ ڈیفنس اے میں درج مقدمے کی تفتیش کرے اور تحقیقات میں سوشل میڈیا پر ریاست مخالف اکسانے کی ترغیب دینے والوں کی نشاندہی کی جائے گی۔
کمیٹی کی جانب سے سوشل میڈیا پر لڑکی کی ساکھ کونقصان پہنچانے والوں کا بھی سراغ لگایا جائے گا۔
اس سلسلے میں ایس ایس پی محمد نوید نے مشترکہ تحقیقاتی کمیٹی کا پہلا اجلاس طلب کرلیا ہے۔
چھ رکنی ٹیم میں تین پولیس افسر اور تین حساس اداروں کے نمائندے شامل ہیں۔
دوسری جانب وزیراطلاعات پنجاب عظمیٰ بخاری کا کہنا ہے کہ سوشل میڈیا پرفیک نیوزاورویڈیوزوائرل کی جارہی ہیں، تحریک فساد پارٹی طلبہ کوورغلا کر امن وامان خراب کراناچاہتی ہے کسی کوبنگلہ دیش کی طرح ملکی استحکام خراب نہیں کرنے دیں گے۔
