ممبئی: بھارتی فلم انڈسٹری کے معروف اداکار سلمان خان، کالا ہرن اور لارنس بشنوئی کا معاملہ روز بروز طول پکڑ رہا ہے، دبنگ خان کو کالے ہرن کے معاملے پر مسلسل دھمکیوں کا سامنا ہے۔
بھارتی میڈیا رپورٹس کے مطابق ایک انٹرویو میں دبنگ خان کے والد سلیم خان نے واضح طور پر بشتوئی گینگس کو یہ پیغام دے دیا ہے کہ ان کا بیٹا کسی صورت معافی نہیں مانگے۔
دبنگ خان کے والد کا یہ بیان ایسے وقت میں سامنے آیا ہے جب گزشتہ روز دبنگ خان کو ایک نئی دھمکی موصول ہوئی تھی، جس میں لارنس بشنوئی سے صلح کرنے کے لیے 5 کروڑ روپے کا تقاضہ کیا گیا تھا۔
سلیم خان نے صحافی سے بات کرتے ہوئے کہا کہ پوچھ لیجئے پھر موقع ملے نہ ملے۔۔۔ انہوں نے کہا کہ میرے بیٹے نے آج تک کاکروچ نہیں مارا، ہم تشدد پر یقین نہیں رکھتے، لوگ جانتے ہیں کہ ہم زمین سے جڑے لوگ ہیں۔
دبنگ خان کے والد کا مزید کہنا تھا کہ لوگ کہتے ہیں کہ آپ ہمیشہ زمین کی طرف دیکھ کر چلتے ہیں، میں ان سے ہمیشہ کہتا ہوں کہ میں نہیں چاہتا کہ میرے پاؤس سے کوئی چیونٹی بھی مر جائے۔
انہوں نے کہا کہ میرا بیٹا بہت سے لوگوں کی مدد کر رہا ہے، کورونا کے دنوں میں لمبی قطاریں لگی تھیں، اگر کسی کو سرجری کی ضرورت ہوتی تو بہت سے لوگ مدد کے لیے آتے ہر روز چار سو سے زائد لوگ مدد کے لیے آتے تھے۔
واضح رہے کہ سلمان خان نے جیل میں قید گینسگٹر لارنس بشنوئی کے گینگ کی جانب سے بڑھتے ہوئے خطرات کے پیش نظر اپنی سیکیورٹی مزید بڑھادی ہے۔
رپورٹس کے مطابق دبنگ خان نے لگ بھگ دو کروڑ روپے کی ایس یو وی براہ راست دبئی سے ممبئی امپورٹ کروائی ہے۔
’سلمان خان لارنس بشنوئی کو سخت جوابی دھمکی دے‘
معروف اداکار کو گینگسٹر کی جانب سے دھمکیوں کا سلسلہ کافی عرصے سے جاری تھا مگر قریبی دوست بابا صدیق کے قتل کے بعد انھوں نے اپنی سیکیورٹی میں زیادہ اضافے کیلیے سنجیدہ قدم اُٹھانے کا فیصلہ کیا۔
