پنجاب حکومت نے بڑا فیصلہ کر لیا جس کے بعد دفعہ 144 کے نفاذ کا اختیار اب ڈپٹی کمشنرز کو دے دیا گیا ہے۔
اے آر وائی نیوز کے مطابق پنجاب حکومت نے کوڈ آف کرمنل پروسیجر 1898 میں بڑی ترمیم کرتے ہوئے دفعہ 144 کے نفاذ کا اختیار ڈپٹی کمشنرز کو دے دیا ہے۔
پنجاب اسمبلی سے مسودہ قانون کی منظوری کے بعد گزٹ نوٹیفکیشن جاری کر دیا گیا ہے جس کے تحت ڈپٹی کمشنرز اب اپنے اضلاع میں 30 دن تک دفعہ 144 کا نفاذ کر سکیں گے۔
- Advertisement -
گزٹ نوٹیفکیشن کے مطابق سیکریٹری داخلہ پنجاب کو 90 دن تک دفعہ 144 کے نفاذ کا اختیار دیا گیا ہے جب کہ 90 دن سے زائد عرصے کے لیے دفعہ 144 نافذ کرنے کا اختیار کابینہ کے پاس ہوگا۔
