اسلام آباد : وزیر دفاع خواجہ آصف کا کہنا ہے کہ یہ تاثر غلط ہےکہ ہم یحییٰ آفریدی کوچیف جسٹس بناناچاہتے ہیں، نئے چیف جسٹس کی تعیناتی پارلیمانی کمیٹی کرے گی۔
تفصیلات کے مطابق وزیردفاع خواجہ آصف نے میڈیا سے گفتگو کرتے ہوئے کہا کہ نئے چیف جسٹس کی تعیناتی کے حوالے سے ن لیگ کی جانب سے کوئی فیصلہ نہیں ہوا۔
وزیر دفاع کا کہنا تھا کہ تاثر دیا جارہا ہے، چیف جسٹس کے لیے یحیٰ آفریدی ن لیگ کے امیدوار ہیں یہ تاثرقبل ازوقت ہے، نئے چیف جسٹس کی تعیناتی پارلیمانی کمیٹی کرے گی۔
مزید پڑھیں : 26ویں آئینی ترمیم کی منظوری ، اگلا چیف جسٹس کون ہوگا؟
انھوں نے کہا کہ ایک بھی سینیٹر اور ایم این اے لاپتہ نہیں تھا یہ صرف بیان بازی ہے، ترمیم سے تین چار دن پہلے نمبرز پورے ہوچکے تھے۔
وفاقی وزیر کا مزید کہنا تھا کہ نئے چیف جسٹس کی تعیناتی کیلئے کمیٹی کے دیگر ممبران سے بات چیت ہوگی، چاہتے ہیں نئے چیف جسٹس کا نام زیادہ اتفاق رائے سے آئے۔
خواجہ آصف نے کہا عدلیہ کی طرف سے اشارے آرہے تھے پچیس اکتوبرگزرنے دیں پھرحکومت کو دیکھ لیں گے۔
