اسلام آباد : نئے چیف جسٹس کی تقرری کے لیے پارلیمانی کمیٹی کا پہلا اجلاس آج ہوگا ، کمیٹی 3 سینیئر ترین ججوں میں سے ایک کو چیف جسٹس بنائے گی۔
تفصیلات کے مطابق نئے چیف جسٹس کی تعیناتی کے لئے پارلیمانی کمیٹی برائے ججز تقرری کا پہلا اجلاس آج پارلیمنٹ ہاؤس ہوگا۔
پارلیمانی کمیٹی اجلاس میں چیئرمین کمیٹی کا تقرر کرے گی ، کمیٹی نئے چیف جسٹس کیلئے وزارت قانون کے ذریعے 3 سینئر موسٹ ججزکا پینل مانگے گی۔
پارلیمانی کمیٹی ججوں کے پینل میں سے چیف جسٹس پاکستان کا انتخاب عمل میں لائے گی اور تین روز میں سپریم کورٹ کےنئے چیف جسٹس کا تقررکرے گی۔
مزید پڑھیں : نئے چیف جسٹس کی تقرری کے لیے خصوصی پارلیمانی کمیٹی تشکیل
چیف جسٹس کی تقرری کیلئے خصوصی پارلیمانی کمیٹی میں ن لیگ کی جانب سے وفاقی وزرا خواجہ آصف، اعظم نذیر تارڑ، احسن اقبال اور پیپلز پارٹی کی جانب سے شائستہ پرویز ملک، راجہ پرویز اشرف، سینیٹر علی ظفر، نوید قمر شامل ہیں۔
اس کے علاوہ ایم کیو ایم سے رعنا انصار ، پی ٹی آئی سے بیرسٹر گوہر، صاحبزادہ حامد رضا ، سینیٹر فاروق ایچ نائیک، سینیٹر کامران مرتضیٰ بھی کمیٹی کا حصہ ہیں۔
تحریک انصاف کا پارلیمانی کمیٹی میں شرکت نہ کرنے کا فیصلہ کیا ہے۔
