کراچی: سائٹ ایریا میٹروویل قبرستان کے قریب خاتون کی پیٹی سے لاش ملنے کا واقعہ پیش آیا تھا جس کی شناخت سامنے آگئی ہے۔
پولیس نے بتایا کہ مقتولہ کی شناخت شازیہ کے نام سے ہوئی ہے جو کہ لالو کھیت کی رہائشی تھی، مقتول خاتون شادی شدہ اور 5 بچوں کی ماں تھی، اہلخانہ کے مطابق خاتون صبح ملازمت کیلئے گئی تھی، شام 7 بجے واپس آتی تھی۔
اہلخانہ نے پولیس کو بیان میں بتایا کہ خاتون میٹرو ویل کیسے پہنچی معلوم نہیں، خاتون گودھرا کے علاقے میں ملازمت کرتی تھی۔
- Advertisement -
گزشتہ دنوں میٹرویل سائٹ کے علاقے میں موجود قبرستان کے قریب پڑی پیٹی سے مذکورہ خاتون کی لاش ملی تھی جسے بری طرح تشدد کا نشانہ بنایا گیا تھا۔
