اسلام آباد : پاکستان کثیر الملکی فضائی مشق انڈس شیلڈ 2024 کی میزبانی کے لئے تیار ہے ، آرمی چیف جنرل سیدعاصم منیر فضائی مشق کا مشاہدہ کریں گے۔
تفصیلات کے مطابق پاکستان ایئرفورس کی فضائی مشق انڈس شیلڈ 2024 کا انعقاد ہونے جارہا ہے ، کثیرالقومی فضائی مشق میں ترکیہ، سعودی اور مصری فضائیہ سمیت دیگراہم ممالک شریک ہوں گے۔
آرمی چیف جنرل سیدعاصم منیر فضائی مشق کا مشاہدہ کریں گے ، اس موقع پر آرمی چیف کومشق کے وسیع دائرہ کار سےمتعلق میں جامع بریفنگ بھی دی جائے گی۔
انڈس شیلڈ کا مقصد مشق میں حصہ لینےوالےممالک کےدرمیان باہمی تعاون بڑھانا ہے ،فضائی مشق سےفوجی تعاون کومضبوط بنانا اور اسٹریٹجک شراکت داری کو فروغ دینا ہے۔
فضائی مشق علاقائی سلامتی کیلئے پاکستان کےعزم کواجاگرکرنے کے ساتھ ساتھ اتحادی ممالک میں مشترکہ آپریشنل تیاریوں کو فروغ دینےمیں کرداراداکرتی ہے۔
انڈس شیلڈ شریک فضائی افواج کےدرمیان باہمی افہام و تفہیم بڑھانے کیلئے پلیٹ فارم ہے۔
