جنوبی کوریا کے دارالحکومت سیؤل میں اسرائیلی سفارت خانے پر نامعلوم افراد نے حملہ کردیا، عمارت کے اندر داخل ہوگئے۔
عرب میڈیا کا اس حوالے سے کہنا ہے کہ اسرائیلی وزارت خارجہ نے نا معلوم افراد کی جانب سے جنوبی کوریا کے دارالحکومت سیؤل میں اسرائیلی سفارت خانے پر دھاوا بولنے کی تصدیق کردی ہے۔
اسرائیلی وزارت خارجہ کے مطابق نامعلوم افراد سیؤل میں سفارتخانے کی چھٹی کے دن حملہ آور ہوئے، اس دوران انہوں نے سفارتخانے کی املاک کو نقصان پہنچایا۔
رپورٹس کے مطابق واقعے میں کسی بھی سفارتی عملے کو نقصان نہیں پہنچا کیونکہ یہودیوں کے مذہبی تہوار کی مناسبت سے سفارت خانہ بند تھا۔
دوسری جانب اسرائیلی فوج نے انسانیت سوز مظالم ڈھاتے ہوئے غزہ کے اسپتالوں پر وحشیانہ بمباری کر دی جب کہ علاج میں مصروف ڈاکٹرز اور طبی عملے کو حراست میں لے لیا۔
شمالی غزہ کے محاصرے کے دوران اسرائیلی فوج نے کمال عدوان پر براہ راست بمباری کی اور شہریوں کا قتل عام کر دیا۔ اسرائیلی فوج نے اسپتال میں داخل ہو کر سرجنز اور ڈاکٹرز کو پکڑ لیا۔
ڈائریکٹراسپتال کے مطابق اسپتال میں موجود زخمیوں کی سرجریز رک گئی کیونکہ ڈاکٹرز نہیں، 15 سے زائد ایسے کیسز ہیں جن کی فوری سرجری کی ضرورت ہے۔
اسرائیلی فوج نے انتہائی نگہداشت یونٹ کو نقصان پہنچایا اور اسپتال کے اطراف میں 2 گھنٹے تک بمباری کی۔ اسرائیل فوج نے اسپتال کے اطراف بمباری کر کے عمارتوں کو ملبے کا ڈھیر بنا دیا۔
کمال عدوان اسپتال کے اطراف ملبے کے ڈھیر کی وجہ سے تمام راستے بند ہو گئے۔ ترجمان سول ڈیفنس کا کہنا ہے کہ کمال عدوان اسپتال کے اطراف لوگوں کا قتل عام کیا جا رہا ہے اسرائیلی ڈرون نیپانی کی قلت کیلئیاسپتال اوراطراف میں واٹرٹینکس کو تباہ کر دیا۔
شمالی غزہ میں گزشتہ 20 دن سیجاری محاصرے میں 820 فلسطینی شہید ہو چکے ہیں۔ گزشتہ ہفتیاسرائیل نیجبالیہ میں العودہ اسپتال پر بمباری کی جب کہ بیت لاہیہ میں انڈونیشی اسپتالوں پربھی گولہ باری کی گئی تھی۔
ٹرمپ کا تارکین وطن کیخلاف خطرناک منصوبہ
خبر ایجنسی کے مطابق غزہ النصیرات اسکول پر اسرائیلی حملے میں شہید افراد کی تعداد 17 ہو گئی اور درجنوں زخمی ہیں۔ حملے کے شہدا میں بچے بھی شامل ہیں۔
