کراچی : عزیز آباد میں چور پولیس اہلکاروں کے سامنے باآسانی کار لے اڑا، واردات کی سی سی ٹی وی فوٹیج کی مدد سے ملزم کی گرفتاری کیلئے کوششیں جاری ہے۔
تفصیلات کے مطابق کراچی کے علاقے عزیز آباد بلاک8 مور پارک کے قریب کار چوری کی واردات ہوئی ، ملزمان نے پولیس اہلکاروں کے سامنے سے گزر کرواردات کی۔
سی سی ٹی وی میں ملزم کو موٹر سائیکل سوار ساتھی کیساتھ جائے واردات پر آتے دیکھا جاسکتا ہے، ملزم جیسے ہی کار کی طرف بڑھا قریب سے 2 پولیس اہلکار بھی گزرے اور پولیس اہلکاروں کے گزرنے کے بعد ملزم کارلیکر فرار ہوگیا۔
- Advertisement -
واردات کے دوران ملزم کا دوسرا ساتھی کچھ فاصلے پر کھڑا نگرانی کرتا رہا۔
پولیس نے مقدمہ عزیز آباد تھانے میں درج کرلیا گیا، کار چوری کی واردات کی سی سی ٹی وی فوٹیج کی مدد سے ملزم کی گرفتاری کیلئے کوششیں جاری ہے۔
