ایران نے کمرشل پروازوں کیلئے اپنی فضائی حدود کو کھول دیا ہے، ایران نے اپنی فضائی حدود کو اسرائیلی حملے کے بعد بند کردیا تھا۔
بین الاقوامی خبر رساں ادارے کی رپورٹ کے مطابق مختلف ممالک کی ایئرلائنز نے اپنی پروازوں کو فی الحال ایرانی فضائی حدود استعمال نہ کرنے کا مشورہ دیا ہے۔
یورپ، امریکا سے آنے جانے والی پروازیں مسقط کے ذریعے پاکستان کی حدوداستعمال کررہی ہیں۔
دوسری جانب سی اے اے کا کہنا ہے کہ ایرانی فضائی حدود کو اسرائیلی حملے کے بعد سے کمرشل پروازوں کیلئے بند کردیا گیا ہے۔
ذرائع سی اے اے کے مطابق کہ ایرانی فضائی حدود کو اسرائیلی حملے کے بعد سے کمرشل پروازوں کیلئے بند کردیا گیا ہے، ایرانی فضائی حدود پاکستانی وقت کے مطابق صبح ساڑھے 11 بجے تک بند تھی۔
ذرائع پاکستان ایئرٹریفک کنٹرول کے مطابق پروازیں ایران کے بجائے مسقط کی فصائی حدود سے گزر رہی ہیں، مغربی سمت سے پاکستانی فضائی حدود کی طرف آنے والی پروازوں کی سخت مانیٹرنگ کی جارہی ہے۔
سعودی عرب کی ایران پر اسرائیلی حملے کی شدید مذمت
ذرائع کا مزید بتانا ہے کہ سخت مانیٹرنگ کے بعد پروازوں کوپاکستانی فضائی حدود میں آنے کی اجازت دی جارہی ہے۔
