اداکارہ مدیحہ امام نے کہا ہے کہ انہیں شادی پر سب سے زیادہ ٹرولنگ کا سامنا رہا، ان کے نکاح کا مذاق اڑایا گیا، میرے شوہر کا مذہب بھی دوسرا سمجھا گیا۔
گزشتہ برس بھارتی فلم ساز موجی بسر کے ساتھ رشتۂ ازدواج میں منسلک ہونے والی اداکارہ نے حال ہی میں ساتھی فنکار فیصل قریشی کی پوڈ کاسٹ میں شرکت کی۔
دورانِ انٹرویو انہوں نے بتایا کہ کس طرح انہیں ایک بھارتی شخص سے شادی کرنے پر ٹرلنگ کیا گیا، اداکارہ نے کہا کہ مجھے نکاح کے موقع پر صرف اس لیے تنقید کا نشانہ بنایا گیا کیونکہ میں نے بھارتی شخص سے شادی کی، میرے نکاح اور میرے شوہر کے مذہب پر سوال اُٹھایا گیا کہ میں نے کسی کافر سے نکاح کیا ہے اس لیے ہمارا نکاح ہوا ہی نہیں۔
اداکارہ مدیحہ امام نے شکوہ کیا اور کہا کہ میرے شوہر کو ان کے چہرے اور خدوخال کی وجہ سے بدترین ٹرولنگ کا نشانہ بنایا گیا، میرے شوہر کا تعلق بھارت سے ہونے کہ وجہ سے لوگوں نے سمجھ لیا کہ ان کا مذہب ہی الگ ہے۔
View this post on Instagram
اداکارہ نے کہا کہ ’پتہ نہیں لوگوں کو ایسا کیوں لگتا ہے کہ بھارت میں صرف ایک ہی مذہب کے لوگ رہتے ہیں؟ ساتھ ہی انہوں نے سوال کیا کہ کیا پاکستان میں صرف ایک ہی مذہب کے لوگ ہیں؟ ‘۔
اداکارہ نے کہا کہ اس ٹرولنگ کے بعد جب شوہر کے ساتھ نکاح کی تصاویر شیئر کی جو کہ ایک غلطی تھی، مجھے کوئی وضاحت نہیں دینی چاہیے تھی لیکن میں نے اپنے چاہنے والوں اور مداحوں کی وجہ سے شوہر کے مذہب سے متعلق وضاحتیں دیں۔
ان کا کہنا تھا کہ وضاحتیں دینے کے باوجود مجھ پر تنقید کی گئی اور جب میں نے ثبوت کے طور پر نکاح کی تصاویر شیئر کیں تو ان کے نکاح کا مذاق اڑایا گیا، ان کے شوہر کے چہرے پر مذاق اڑایا گیا۔
انہوں نے شوہر کے حوالے سے مزید بات کرتے ہوئے بتایا کہ وہ قبائلی علاقے سے تعلق رکھتے ہیں اور ان کے ہاں بھی پاکستان کی طرح قبائلی نظام ہے، پورا قبیلہ ایک دوسرے سے جڑا رہتا ہے۔
واضح رہے کہ اداکارہ کی شادی متحدہ عرب امارات (یو اے ای) میں مئی 20230 میں ہوئی تھی، ان کے شوہر کا نام موجی بصر ہے جو بھارتی ریاست ارونا چل پردیش سے تعلق رکھتے ہیں۔
شادی کی تصدیق کے تقریبا 6 ماہ بعد نومبر 2023 میں مدیحہ امام اور موجی بصر کے ولیمے کی تقریب ارونا چل پردیش میں منعقد کی گئی تھی، جس کی تصاویر اور ویڈیوز بھی اداکارہ نے انسٹاگرام پر شیئر کی تھیں۔
