لاہور : گاڑی پر اندھا دھند فائرنگ کے نتیجے میں 2 افرادجاں بحق ہوگئے جبکہ گاڑی میں موجود بچی معجزانہ طور پر محفوظ رہی۔
تفصیلات کے مطابق لاہور کے علاقہ باٹا پور میں گاڑی پر اندھا دھند فائرنگ کا واقعہ پیش آیا، جس میں خاتون سمیت دو افراد جاں بحق ہو گئے تاہم گاڑی میں موجود بچی معجزانہ طور پر محفوظ رہی۔
ملزمان نے پہلے نہر کے قریب گاڑی پر فائرنگ کی، جس پر ڈرائیور نے گاڑی بھگا کر لے جانے کی کوشش کی لیکن حملہ آوروں نے پیچھا کرکے دوبارہ گاڑی پر فائرنگ کردی۔
مقتولین میں چالیس سالہ اشفاق اور انتیس سالہ مقدس شامل ہیں تاہم پولیس نے تفتیش شروع کر دی ہے۔
لاہور میں باٹا پور کےعلاقےمیں خاتون سمیت 2 افراد کے قتل کا مقدمہ درج کرلیا ہے ، قتل،اقدام قتل سمیت دیگر دفعات کے تحت مقدمہ درج کیا گیا۔
مقدمے میں شاہدعرف بودا،علی حسن اوردیگرکو نامزد کیاگیا اور کہا کہ ملزمان نےفائرنگ کرکےاہلیہ اورڈرائیور کو قتل کیا۔
ایس پی کینٹ نے بتایا کہ پولیس اورفرانزک ٹیم نےموقع سے شواہد اکھٹےکرلئے ہیں اور لاشیں تحویل میں لیکر پوسٹمارٹم کیلئے ڈیڈ ہاؤس منتقل کردی ہیں۔
ان کا کہنا تھا کہ ملزمان کو سی سی ٹی وی کیمروں اور دیگر ذرائع سے ٹریس کیا جا رہا ہے اور دیرینہ دشمنی اور تمام پہلو مدنظر رکھ کر تحقیقات جاری ہیں، جلد ملزمان کو گرفتار کرلیں گے۔
