کراچی : چیف کوآرڈینیٹر تاجر دوست اسکیم نعیم میر نے نان فائلر تاجروں کو خبردار کردیا اور کہا کل ریٹرن فائل کرنے کی آخری تاریخ ہے۔
تفصیلات کے مطابق چیف کوآرڈینیٹر تاجر دوست اسکیم نعیم میر نے تاجر برادری کو ویڈیو پیغام میں کہا ہے کہ نان فائلر تاجر کل تک فائلر بنیں ، کل ریٹرن فائل کرنے کی آخری تاریخ ہے جس میں توسیع کےمنتظر نہ رہیں.
نعیم میر کا کہنا تھا کہ یکم نومبر سےایف بی آرنے نان فائلر تاجروں کیخلاف سخت اقدامات کرنےہیں اور ٹیکس چوروں کیخلاف منظم آپریشن ہوگا.
چیف کوآرڈینیٹر تاجر دوست اسکیم نے کہا کہ ہمارا کام آپ تاجر دوستوں کو آگاہی دینا ہےنہیں چاہتے عام تاجر گمراہی کا شکار رہیں.
ان کا کہنا تھا کہ ایف بی آر نان فائلر کیٹیگری کا خاتمہ کرنے والی ہے، یکم نومبر سے نان فائلرتاجروں کو کاروبار میں شدید دشواری ہوگی اور تاجروں کو مختلف مسائل کا سامنا کرنا پڑے گا۔
