اسلام آباد : پی آئی اے کی نجکاری کیلئے بولی کل اسلام آباد میں ہوگی، 6 میں سے صرف ایک بلیو ورلڈ سٹی کنسورشیم نے پیشگی رقم جمع کرائی ہے۔
تفصیلات کے مطابق پی آئی اے کی نجکاری کیلئے بولی کل اسلام آبادمیں ہوگی،ذرائع نے بتایا کہ نجی ہوٹل میں بولی کے عمل کی تیاریاں مکمل کرلی گئیں ہیں۔
ذرائع ایوی ایشن کا کہنا ہے کہ 6 میں سے صرف ایک بلیوورلڈسٹی کنسورشیم نے پیشگی رقم جمع کرائی ہے۔
ذرائع نے بتایا کہ نجکاری کمیشن حکام نے بلیوورلڈسٹی کی طرف سے پیشگی رقم جمع کرانے کی تصدیق کردی ہے، کل ہی پی آئی اے خریداری کے لیے بولی جمع اورکھولی جائے گی۔
ذرائع ایوی ایشن نے کہا ہے کہ نجکاری کے لیے طریقہ کار پر قوانین کےتحت مکمل عملدرآمد کیا جائے گا۔
مزید پڑھیں : پی آئی اے نجکاری کے لئے نئی شرائط ! ملازمین کے لئے اہم خبر
یاد رہے قومی ایئرلائن کی خریداری میں دلچسپی رکھنے والی کمپنیوں نے نجکاری کمیشن کو نئی شرائط بتا دیں، جس میں کہا گیا تھا کہ ملازمین کو فوری فارغ کریں گے، 76 فیصد شیئرز لیں گے اور حکومت ٹیکس ادائیگیاں کلیئر کرے۔
نجکاری کمیشن حکام کا کہنا تھا کہ قومی ایئرلائن کی نجکاری اب 31 اکتوبر کو ہو گی اور بڈرز سے 28 مئی کو ٹوکن منی لی جائے گی اور نجکاری 31 اکتوبر کو لازمی ہوگی ابھی یہ بھی حتمی تاریخ نہیں دی جا سکتی۔
کنسلٹنٹ قومی ایئرلائن نے بتایا تھا کہ نجکاری کمیشن نے ملازمین کو 3 سال اور پھر 2 سل تک نوکری سے فارغ نہ کرنے کی درخواست کی۔
جس پر حکام نے کہا تھا کہ بڈرز نے ملازمین کو 2 سال کیلئے بھی نوکری پر رکھنے کی حامی نہیں بھری اور پنشن کیلئے بھی تیار نہیں، نجکاری کمیشن پی آئی اے کے 60 فیصد تک شیئرز فروخت کرنا چاہتی ہے، پی آئی اے بڈرز کی جانب سے تاحال ڈیو ڈیلیجنس کا پراسس مکمل نہیں ہوا ہے،بڈرز کی جانب سے ایئر کرافٹس کیلئے لائف، پارٹس اور معلومات درست ہونے کی گارنٹی مانگی۔
چیئرمین کمیٹی طلال چوہدری کا کہنا تھا کہ قومی ایئرلائن کی نجکاری کیلئے تاریخ میں تبدیلی کے باعث ادارے کی ساکھ کو نقصان پہنچ رہا۔
نجکاری کمیشن حکام نے بتایا تھا کہ بڈر کمپنیوں کے ساتھ ہماری چار پری بڈ میٹنگ ہوئی ہیں، چیئرمین کمیٹی نے مزید پوچھا اب بڈرز اور آپ کے درمیان بولی کے لیے کوئی ڈیڈ لائن فائنل ہوئی ہے، اخبار میں پڑھا ہے بڈرز کمپنیاں موجودہ ملازمین نہیں رکھنا چاہتیں۔
