ساہیوال: ٹیچنگ اسپتال میں ڈاکٹروں کی مبینہ غفلت سے مریض کی ہلاکت کے معاملے میں اہم پیش رفت سامنے آئی ہے۔
اے آر وائی نیوز کی خبر پر وزیر اعلیٰ پنجاب مریم نواز نے ساہیوال کے واقعے کا نوٹس لیتے ہوئے غفلت برتنے پر3 ڈاکٹروں کو نوکری سے فارغ کردیا۔
وزیر اعلیٰ پنجاب مریم نواز کی ہدایت پر واقعہ کی انکوائری کیلئے ڈاکٹر راؤ ریاض کی سربراہی میں کمیٹی بنائی گئی تھی۔
اس سے قبل کراچی کے نجی اسپتال میں ڈاکٹروں کی مبینہ غفلت کے باعث حاملہ خاتون جاں بحق ہوگئی، ورثاء نے وزیراعلیٰ، وزیر صحت اور آئی جی سندھ سے انصاف کی فراہمی کا مطالبہ کردیا ہے۔
تفصیلات کے مطابق کراچی کے علاقے اورنگی ٹاؤن کے نجی اسپتال میں ڈاکٹروں کی مبینہ غفلت سے حاملہ خاتون جاں بحق ہوگئیں۔
جان بحق خاتون کمسن بچے کی ماں تھی اور دوسرے بچے کی پیدائش سے پہلے موت ہوگئی۔
ورثاء نے الزام عائد کیا ہے کہ چیک اپ کیلئے گھر کے قریب نجی اسپتال میں لے گئے تھے جہاں غلط انجکشن لگائے گئے، جس سے خاتون کی موت واقع ہوئی۔
اس حوالے سے نجی اسپتال کی لیڈی ڈاکٹر کا موقف ہے کہ متاثرہ خاتون کی حالت پہلے سے ہی بہت تشویشناک تھی جسے طبی امداد فراہم کی گئی۔
ڈاکٹر کی مبینہ غفلت سے دوران ڈلیوری خاتون جاں بحق
متاثرہ خاندان نے محکمہ صحت سندھ سے مطالبہ کیا ہے کہ نجی اسپتال میں علاج معالجے کا معیار بہتر بنانے کیلئے اقدامات کیے جائیں۔
