جیکب آباد: ٹھل میں مسافر کوچ کھائی میں گرنے کے نتیجے میں 5 مسافر جاں بحق جبکہ 15 زخمی ہوگئے۔
اے آر وائی نیوز کے مطابق پولیس کا کہنا ہے لاشوں اور زخمیوں کو تعلقہ اسپتال ٹھل منتقل کر دیا گیا ہے جبکہ ہلاکتوں میں اضافے کا خدشہ ظاہر کیا جا رہا ہے۔
پولیس کے مطابق بلوچستان سے پنجاب جانے والی کوچ کو حادثہ اے سیکشن تھانے کی حدود میں پیش آیا۔
اس سے قبل گھوٹکی میں ایم فائیو موٹر وے کے قریب مسافر کوچ اور ٹریلر میں خوفناک تصادم کے نتیجے میں 8 افراد جاں بحق اور 10 زخمی ہوگئے۔
حادثے کی اطلاع ملتے ہی ریسکیو اہلکاروں اور گھوٹکی پولیس کی بھاری نفری جائے حادثہ پر پہنچ گئی جنہوں نے زخمیوں و لاشوں کو ہسپتال منتقل کیا۔
حادثہ تیز رفتاری کے باعث پیش آّیا، ریسکیو حکام کے مطابق زخمیوں کو گھوٹکی کے مختلف اسپتالوں میں منتقل کر دیا گیا ہے۔
کراچی : شہری نے چھینا گیا فون خود ریکور کرا لیا
موٹر وے پولیس کے مطابق اندوہناک حادثے میں جاں بحق ہونے والوں میں 2 خواتین،2 بچے اور 3 مرد شامل ہیں، مسافر کوچ پنجاب سے کراچی جا رہی تھی۔
